sábado, 6 de outubro de 2007

Deklarasaun Independensia Uni Timor 1961

Maluk Basilio,

Hau hakarak dehan deit katak proklamasaun nebe A. Mao Klao halo iha Batugade iha 9 de Abril de 1961 iha relasaun ho revolta 1959. Tanba iha documento Uni Republik Timor nian temi klaru tebes nunee: «...proklamasi Republik Uni Timor adalah kelajuntan dari perjuangan tahun 1959». Documento ne uluk hau iha kopia ida maibe monu lakon tiha. Karik maluk Basilio la laran todan bele buka tuir DR. George Aditjondro, tanba nia mos iha kopia documento ne.

Iha mos dokumento seluk nebe sei fo apelo ba malu oinsa atu ataka posto portugues nian sira iha fronteira. Karik bele husu mos ba jornal Suara Pembaharuan, tanba jornal ne iha 1974 kuando Ramos Horta halo visita ba Jakarta, Mao Klao nia Secretario nebe hela iha Jakarta, usa duni alamat ida agora mosu iha documento ne, husu ba Ramos Horta ho Adam Maluk hodi tulun sira fila ba Timor. Ate iha documento nee sira fo garantia ba Horta lalika tauk ukun an, tanba Grupo ne iha rekursus humanos naton hodi bele garante independencia ho desenvolvimento rai ne nian.

Hau hanoin ladun los se dehan revolta 1959 hakarak defende integrasaun Timor ho Indonesia, tanba hau rasik hetan malu ho sira balu nebe ba kastigu iha Afrika, inkluindo Gregorio Sousa, eks Secretario Estado Conselho Ministro Governo Fretilin nian, aman, Matias Sousa husi Uatu-Lari iha 2004 quando nia mai iha Timor, nia dehan katak iha 1959, mosu faksaun rua. Faksaun ida hakarak buka ukun an ba Timor e faksaun ida seluk hakarak bolu atensaun ba Governo Portugues atu duni sai hotu administrador korruptor sira iha Timor. Se Portugal lakohi duni sai ema sira ne, entao sira husu ajuda ba Indonesia mak atu duni. Lia'fuan ida dehan husu ajuda ba Indonesia ne mak hodi ikus mai interpreta fali dehan revolta ne hakarak integrasaun. Bele le mos Abilio Osorio nia tio, Manuel Osorio nia dekarasaun iha livro Jill Jollife ou John Taylor, hau lembra diak ona iha livro ida nebe, iha neba nia dehan iha 1959 sira la defende integrasaun. Manuel Sorio quando fila ona mai iha Timor iha anos 80 nian loron, kala pressaun husi militar Indonesia sira nia koalia oin seluk fali.

Atu hatene lolos historia ne precisa halo reune documentos barak e halo analise klean hodi bele hatene lolos. Tanba to'o agora sei iha versaun barak.

Americana ida naran Janet halo ona estudos balu, maibe seidauk to'o konkluzaun ida.

Obrigado wa'in

Teo

Iha tinan 1998 hau hasoru ona ho representante grupu ida nee nian iha Camberra Australia. Se hau la sala ema nia aman ne'e naran Pedro. Nia Enginheiro ida nebe halo "penemuan" ida kona ba bomba be ou minarai nian.

Ema nia aman ne'e haktuir mai hau kona ba sira nia grupo de jovens iha Timor nebe proklama independencia ba rai Timor Tomak ou sira bolu naran Timor Raya. Hau nunka hatene se sira komunika duni sira nia proklamasaun nee ba ONU, maibe tuir saida mak ita hare iha documento ONU nian ne'e ita bele dehan katak sira komunika duni sira nia deklarasaun ne'e ba ONU i ONU fo duni nia lia hatan mai.

Ema nia aman Pedro ne'e konta mai hau katak ema husi parte Timor Loromunu nebe tama iha Grupo ne'e mak El Tari ho nia grupu.

Depois de sira halo tiha deklarasaun ne'e, PIDE (polisi secreto) Portugal nian iha Timor komesa buka e kaer ema sira ne'e ida, - ida i tamba ne'e mak Sr. Pedro ne'e ho nia maluk Timoroan balun tan halai sai husi Timor i halai liu ba Australia.

Agora hau lahatene se iha relasaun entre grupo ida ne'e ho grupo ida 1959 iha Viqueque ne'e. Maube hau hanoin laiha relasaun karik tanba gropu Mauklao ne'e halo deklarasaun independensia ba Timor tomak i grupo ida 1959 hakarak hamutuk ho Indonesia.

Hau lahatene se grupo Timor Raya ida husi El Tari nian ne'e sei moris ka lae, mai be hau hanoin grupo ne'e sei iha i sira sedauk brani atu mosu mai oin hodi hatudu sira nia a'an. Maibe se Indonesia mak nakfera iha tempu rima karik, entaun hau hanoin ema sira ne'e sei mosu hotu fali mai hodi hato'o sira nia razaun tanba sa mak sira deklara nasaun Timor Raya ka Uni Timor.

Termu ida "Uni Timor" ne'e mak halo Bapak sira mos hare ami nia grupu radikal iha pro-integrasaun nia laran naran Uni Timor Asuwain (UNTAS) ne'e matan la mos. Tanba sira diskunfia ami nia intensaun ne'e atu ba ida nebe.

Bainhira ami - grupo integrasaun nian halai mai refugia iha Timor Loromonu (NTT) iha tinan 1999, ami hakarak loke kedas Eskola Superior Ekonomia nian naran STIE Sekolah Tinggi Ilmu Ekonomi) Timor Raya liu husi Yayasan ida ami fo naran Yayasan Timor Raya. Maibe estadu Indonesia nian la fo autorizasaun atu ami loke Eskola Superior ida ne'e. Neduni ami tenki troka tiha buat nee halo naran seluk ida fali.

Maka ne'e deit i hakuak wain ba le nain sira hotu.

Basilio Araujo




Melly Saldanha wrote:
PROKLAMASI TIMOR LESTE SEBENARNYA SUDAH TERJADI PADA TAHUN 1961 ?
Time Timor*Polemik tentang siapa Proklamator Timor Leste merupakan diskusi cukup krusial bagi Pemerintahan Timor Leste sejak Negara ini merdeka dari cengkraman Negara Kesatuan Republik Indonesia (NKRI).

Pemerintahan FRETILIN tidak bisa menyetujui bahwa Bapak Francisco Xavier do Amaral sebagai Proklamator Timor Leste sejak masa pemerintahan mereka. Dikala FRETILIN terjepit di tengah persimpangan politik pasca pemilihan Parlamenter tahun 2007, akhirnya dilema politik itu telah meluluhkan hati para lider FRETILIN, sehingga kembali mengakui Francisco Xavier do Amaral sebagai bapak poklamator RDTL.Kendati demikian, belum menjawab secara tuntas pertanyaan “siapa sesungguhnya bapak proklamasi itu?”

Pada pekan terakhir ini Time Timor Magazine menemukan seorang yang menyatakan dirinya sebagai tokoh Proklamator Pertama pada tanggal 9 April 1961. Untuk membuktikan pernyataan ini kami melampirkan salah satu di antara banyak dokumen penting yang bisa dijadikan sebagai bukti sejarah yang diterima langsung dari Proklamator Pertama Uni Republik Timor ( URT ).

Adapun dokumen yang oleh karena seizin dengan pemiliknya, dapat kami lampirkan 1 di antara puluhan dokumen lainnya untuk dipublikasikan yaitu sebagai berikut:

1. Surat dari Perserikatan Bangsa Bangsa ( PBB ).
2. Pernyatan langsung dari Proklamator Mau Klao MSA Balich.

Sem comentários: