quinta-feira, 13 de setembro de 2007

O Orgulho de Ser Timorense - Loko A'an Hanesan Ema Timor Oan

Salvador nia "Closing Statement" (deklarasaun atu remata nia komentario) hanesan "tanggapan" ba komentarios ema lenain sira nian kona ba tulisan Maun Bot Salvador Ximenes ia "kolom" Binokulo Edisaun Kuarta ho Kinta 5-6 September 2007 hanesan tuir mai ne'e:

"Catatan akhirnya, sadar atau tidak, ternyata orang Timor telah menyebar ke seluruh dunia. Dengan pendidikan, keterampilan danpengalaman dari berbagai Negara maju itu, merupakan modal sangat besardan berharga bagi kemajuan dan keberhasilan Timor Lorosae di masadepan. Tidak perlu kita bermimpi seperti Negara Korea Selatan yangmembangun negerinya dari puing-puing kehancuran perang. Semua kekuatansumber daya manusia dan alam yang dimiliki digerakan. Kekayaan alamtidak dimiliki tetapi dengan otak (bukan dengkul, dan berpikirankerdil) dan semangat orang Korea harus bersatu, kerja keras, disiplin,visi dan orientasi jelas jauh ke depan, hasilnya hanya dalam waktu 20tahun Korea Selatan telah menjadi salah satu raksasa ekonomi bukansaja di Asia tetapi di dunia. Gratias."

la hatudu buat seluk selae Timoroan nia loko a'an (orgulho) hanesan Timor nia oan duni nebe bele komesa ona foti oin hodi hatudu ba mundu seluk katak Timoroan laos deit hatene halo oho malu, halo violensia, tuda malu, maibe bele mos komesa musu i foti oin Timor nia oin iha mundu seluk hanesan Timoroan nebe matenek, badinas, serbisu ho dedikasaun e professionalismo.

Hanesan exemplo, iha militar Indonesia nian iha Timor balun mak komesa sai Tenente Koronel ona, Timor oan balu iha devisa bot ona iha Komando das Forças Especiais (Comandos) Indonesia nian e kaer devisaun inteligencia internacional nian, iha Timoroan barak mak iha Policia Brimob antiterror, professionais de bomba, etc., iha Timor oan balun sai embaixador Indonesia nian representa Indonesia iha nasaun seluk, iha balun to'o ona nivel Konsul Jeral e mos ema numer rua (segunda pessoa - Head of Chancellary) iha embaixada Indonesia nian iha paises seluk. Nunee mos iha Portugal iha medicos, enginheiros e advogados barak mak representa kamada intelektual Timor nian iha Portugal, nunee mos iha Australia, nune'e mos iha Timoroan barak mak hasai tiha ona i ba hasai tan kursu mestrado ou doutorado iha nasaun sel-seluk.

Suksesu Timoroan sira nian iha nasaun sira seluk ne'e hanesan tuir los saida mak ita nia maun bot Salvador Ximenes fo sai iha "Binokulu" STL loron 5-6 Setembro 2007: "sadar atau tidak, ternyata orang Timor telah menyebar ke seluruh dunia. Dengan pendidikan, keterampilan dan pengalaman dari berbagai Negara maju itu, merupakan modal sangat besar dan berharga bagi kemajuan dan keberhasilan Timor Lorosae di masa depan"

Ita sei senti triste, bainhira sei mosu intelektual Timoroan barak ho hanoin badak (myopic minded intelectuals), nebe define termo "Timoroan" ba ema sira nebe mak hili nasionalidade Timor Leste nian deit. Ema sira hanesan ne'e mak sempre mai ho ideias esklusivistas hodi dehan katak se mak la hili nasionalidade Timorense, nia labele koalia kona ba Timor tanba nia laos "Timoroan". Hanoin hirak hanesan ne'e ita bele hare liu husi lenain balun nebe fo reaksaun ba maun bot Salvador nia hakerek ho titulu "Otomonia" hanesan temi tiha ona iha leten ne'e. Intelekual miopikus hirak ne'e seidauk bele konsegue destingue saida mak "nasionalidade" e saida mak "Terra da origem" (rai ema ida moris ba ou rai moris fatin).

Hau hanesan ema Timoroan ho nasionalidade Indonesia, hau nunka bele halakon hau nia origem hanesan ema Timoroan tan deit hau hili nasionalidade Indonesia, hanesan mos ema Timoroan barak mak agora sai sidadaun Portugues ou Australiano, maibe sira sei bolu an nafatin hanesanTimoroan e senti liu Timoroan duke Portuguesoan ou Australiaoan ou Indonesiaoan iha rai nebe sira hela ba.

Saida mak maun bot Salvador temi kona ba Timoran barak nebe komesa espalha ona ba nasaun sel-seluk, hau so bele dehan deit katak hau senti loko a'an (orgulho) hanesan ema Timoroan. Ba alin Timoroan foun balu nebe agora sei estuda iha naaun seluk, nunka bele hanoin katak imi hotu tenki fila ba Timor Leste, tanba se imi hetan serbisu diak iha estranjeiro, ne'e mos hatudu kontribuisaun bot ida ba Timor. Ita tenki komesa hanoin katak sai Timoroan laos deit dudu malu e tuda malu atu bele hadau malu kadeira ida hodi serbisu iha Timor, maibe iha kapasidade atu bele kompete ho trabalhadores mundo internasional nian. Timoroan intelektual sira tenki hanoin ona oinsa Timor bele esporta intelektual Timoroan sira ba nasaun seluk.

Se ita hanoin katak Australia agora mai koloniza fali Timor, entaun ita tenki koko hanoin halo kontrariu fali atu oin sa mak Timoroan bele ba fali Australia hodi koloniza fali Australia.

Timor bele koloniza Australia husi dalan seluk. Por exemplo, haruka Timoroan barak ba estuda iha Australia e depois haruka sira buka serbisu iha Australia atu bele manda fali malae Australiano sira hanesan mos Timoroan barak nebe serbisu iha Indonesia hodi manda ema Indonesio sira ou Timoroan sira iha Portugal manda fali malae mutin hodi haruka malae mutin sira graisa fali Timoraon sira nia sapatu.

Bainhira hanoin miopikus barak nebe agora iha komesa bele muda ona sira nia hanoin atu lebela tan tau karimbu ba ema Timor oan sira hanesan ema "Integrasionista" ka "Independentista", "Loromunu ka Lorosae", "Kaladi ka Firaku", "Timor oan ka laos Timoroan", entaun Timor se desenvolve lalais hanesan Japaung ou Koreia do Sul nebe hamrik fali husi rai leten hodi sai nasaun bot domina ekonomia mundu nian hanesan ohin loron ne'e.

Se Timoroan sei hanoin ho kakutak badak nafatin hanesan ema matenek (intelektual) barak agora ne'e, entaun Timor sei sai rahun tan hanesan saida mak jenerais Indonesia sira haktuir tiha ona katak ema Timoroan sei labele tur i hamrik hamutuk, sira sei sei han malu to'o rahun didiak, i nasaun seluk mak sei ba ukun Timor hanesan daudaun agora Australia kontrola hela Timor depois de Indonesia. Entaun, bainhira los mak Timor ukun a'an los. Australia nia presença iha Timor hatudu ona katak Timor labele ukun a'an duni i tenki precisa "kehadiran" (presença) forsa rai seluk nian hodi tau Timor sira hamutuk. Situasaun ida agora ne'e sei hatudu katak Timor sei hanesan ema Indonesia sira nebe sei iha mentalidade "atan" nian (mentalitas budak - slave mentality), tanba Timor oan so senti "aman" (seguru) bainhira hela iha nasaun estranjeiro seluk nia okos, hanesan mos maoria ema bot iha Indonesia nian nebe hanoin katak Indonesia so bele moris "aman" (seguru) bainhira tabele ba Amerika nia kalilin okos.

Timor tenki buka mosu oinseluk. Tenki brani mosu oin seluk iha mundo (harus berani tampil beda). Labele iha mentalidade "tempe" (tipo de hahan ida halo ho forekeli). Timor tenki mosu hanesan ex-Presidenti Indonesia nian naran Gus Dur nebe brani fo sai ba mundu katak Asia sei kontrola mundo bainhira India, China ho Indonesia forma forum ekonomiku ida hanesan Komunidade Europeia nian. Ema sira hanesan Gus Dur nebe berani kontra Amerika ne'e ladun barak iha mundo. Timor iha ona ema ida naran Mari Alkatiri, maibe "sayang" (iha pena), nia laakutualiza a'an hanesan lider moderno nian. Nia sei kaer metin nafatin prinsipius komunista nian hodi ukun. Lider politikus sira agora iha Timor ne'e mesak mamar deit hanesan lider politik sira iha Indonesia ho paises Asiatiku sira seluk nebe hakruk demais ba Amerik.

Maibe hau larametin katak bainhira jerasaun 1975 nian sai ona husi palku politika Timor nian, Timor sei aselera lalais hanesan Japaun ho Koreia do Sul.

Hau nia kumprimentus ba lenain sira hotu.


Basilio Araujo
Antigo Porta Voz grupu Integrasaun nian.

1 comentário:

Anggita Sari disse...

kami sekeluarga ingin mengucapkan
puji syukur kepada AKY SANTORO
atas nomor togel.nya yang AKY
berikan 4 angkah alhamdulillah
ternyata itu benar2 tembus
dan alhamdulillah sekarang saya
bisa melunasi semua utan2 saya yang
ada sama tetangga dan bukan hanya
itu AKY. insya
allah saya akan coba untuk membuka usaha sendiri demi mencukupi
kebutuhan keluarga saya sehari-hari itu semua berkat bantuan AKY SANTORO
sekali lagi makasih banyak ya AKY bagi saudara yang ingin di bantu melalui jalan di bawa ini
>TOGEL JITU
>PESUGIHAN UANG GAIB
>PESUGIHAN JIN KHODAM
>PESUGIHAN ASMA
>PESUGIHAN UANG SEPASANG
>PESUGIHAN TUYUL| PELARIS USAHA
>PESUGIHAN UANG BALIK
yang ingin merubah nasib seperti saya silahkan hubungi AKY SANTORO,,di
0852-1320-2855, atau KLIK DI SINI dan saya sudah membuktikan sekarang giliran saudara yg di luarsana